In nomine sancte et indiuidue trinitatis. Laudabile et gloriosum est Scripture testimonium, quod contra emergentes calumnias hominum in concussam rerum actionem sua incommutabile loquitur ueritate. Huius rationis prospectu Ego Otacher dei gratia dux Styrye uniuersitati fidelium notum facio, qualiter iura nundinarum Anasensis uille ad instantiam Ratisponensium et consilio meorum ministerialium, scilicet Herrandi dapiferi mei de Wildonia, Hartnidi de Orte marscalci, Gundakari de Styra, Ottonis de Volchd (sic), Ortolfi camerarii de Gonewiz renouaui et perpetua stabilitate firmaui, ut non alia iura a Ratisponensibus, Coloniensibus, Achensibus, V/olmensibus exigantur, quam ea, que a prime institutionis tempore ordinatione patris mei felicis memorie Otacheri marchionis eis imposita fuerunt. Forma autem renouationis hec est, ut in annunciatione beate Marie uirginis queque nauis Anasum ueniens ibi maneat usque ad terminationem fori, et nichil ab ea exigatur, hoc excepto, quod, si in prima uespera uenerit, transeat, si uero mane, non procedet. Preterea quelibet nauis uinum uel frumentum ferens, uel alia uictui necessaria liberum habeat transitum usque ad festum beati Georii; si uero deinde transire uoluerit, manere cogatur. De nauibus manentibus nil exigatur. Peracto uero foro et ibidem nauibus oneratis comes Ratisponensis cum iudicibus de uilla ad portum ueniens a nautis inquirat, quid queque nauis ferat. De centenario XII. denarios persoluat, tum de cera, tum de cutibus et de equipollentibus. Si uero iudices uille nautis non crediderint, de quibus cumque eos impecierint, naute iuramento suo se defendant. Quecumque etiam nauis uinum uel frumentum fert in tempore fori, tum de modio frumenti, tum de carrada uini XII. denarios persoluat. Item cum quelibet nauis iuxta statutum satisfecerit, et comes Ratisponensium recesserit, quidquid mercis ad litus ducatur, XII. denarios de plaustro persoluat. Hoc facto sursum naues trahantur, posterior pars manens, ubi prima fuit, et sic liberum per totum annum habeant transitum. Similiter de plaustris per pontem transeuntibus quamcumque mercem ferant, XVI. denarios persoluant. Si uero mercator eques transeat post plaustrum, nil persoluat. Si autem sine plaustro transeat, quamcumque mercem ferat, obolum persoluat. De equis oneratis nec plus nec minus quam VI. denarii exigantur. Plaustra in Rvziam uel de Rvzia tendentia XVI. denarios persoluant, nec retineri debent. Plaustra, que in ipsa uilla onerantur, XII. denarios persoluant. Insuper, quicquid emere uel uendere cum auro uel argento uoluerint, potestatem habeant. Mercatores ultra terminos uenientes, uidelicet de Masthrihet, et de externis partibus eandem iusticiam, quam tempore patris mei dederunt, adhuc persoluant, (in descensu dimidium fertonem argenti, libram piperis, duos calceos et cyrotecas. In descensu (sic; recte ascensu) fertonem argenti*). Preterea initium fori debet esse feria secunda diebus Rogationum, finis eiusdem in uigilia Pentecosten, quod si factum non fuerit, Ratisponenses in C. librarum estimationem mihi tenebuntur. Hec autem renouationis cartula data est anno M.C. (sic) primo anno imperii Heinrici imperatoris et semper augusti. Presentibus Gerungo de Strechowe, Pillungo de Chierhaim, Ortolfo de Griezchirchen, Dietrico de Hohenstophe, Friderico de Miersdorf, Dietmaro de Putenowe, Perhtoldo de Stegen, Gotscalco, Hartnido, Otachero de Stangen, Heinrico de Enswalde, Ulrico de Chienowe, Gerlocho de Chirdorf, Ulrico de Starchenberch, Ottone de Wartenowe, Dietmaro de Jannesdorf, Richero de Marchpurch et aliis quam pluribus. Ut autem omnis dubietatis scrupulus de medio tollatur, hanc cartam Sigilli nostri impressione signauimus et contra emergentes calumnias malignantium hominum in perpetuum communiuimus. Facta est autem ista commutatio ex legatione Ratisponensium, et istis praesentibus Comite V/otone et Alberto filio suo de Prunenlaite, Hartwicus de Pyerchingen et filius suus Hartwicus, Engelbertus Zu^ofe, Sygefridus Pammezare.

Source Fulltext: OÖUB 2 (Wien 1856), S. 431-433