In nomine Sancte et indiuidue Trinitatis Wolfkerus Dei gratia Patauiensis Episcopus omnibus Christi fidelibus tam presentibus quam et futuris inperpetuum. Episcopalis nostre speculacionis debitum adtendentes loca diuino seruicio mancipata paterno diligimus afectu et ad eorum profectum pie promouendum non in merito intendimus. Nouellam itaque plantacionem hospitalis, quod in garsten in nomine domini et in honore. sancte marie constructum est, intimo afectu diligentes peticioni quoque uenerabilium fratrum nostrorum prelatorum et omnium in eadem fraternitate consorcium habencium benigne annuentes adhibito communi consensu fratrum nostrorum de choro et ministerialium, cum uoluntate et coniuencia dilecti capellani nostri Heinrici plebani in wartperch, ad quam utpote matrem ecclesia in garsten primitus pertinebat, eidem hospitali in garsten sito omnem decimacionem, quam ecclesia predicta hactenus possedit, a fluuio stier vsque ad montem pierdonem, cultam et colendam legitima donatione contulimus et ecclesiam in garsten, in qua hospitale situm est, ab omni iure babtismalium ecclesiarum chirhedorf et wartperhe exemimus eamque hospitali possidenda in perpetuum tradidimus. Quia uero, sicut iustum est, ecclesias wartperch et chirchdorf indemnes esse uolumus, quibus uidelicet ecclesia in garsten hactenus subiecta fuerat, ipsas utrasque ecclesias ab omni iure cathedratico perpetualiter absoluimus statuentes, ut cum unanimi consensu babenbergensis episcopi et totius fraternitatis in ens conuentum facientis de prediis sepe dicti hospitalis propter legitimum concambium ecclesie in chirhcdorf et wartperhe tantum predii conferatur, unde XII solidi annuatim persoluantur, quod et factum est, citra mulbahc VI. solidos et ultra mulbahc LX. denarios et apud steinwent dimidium talentum. Quia uero predia eadem hospitali satis commode adiacent et ecclesiis predictis ualde remota, statuimus, ut, quando post hec hospitale aliqua predia extra montes quocunque modo acquisierit, sine contradictione predicta predia pro eis conmutandi facultatem hospitale habeat. Et huius rei testes: Ego Heinricus decanus patauiensis subscribo. Ego Heinricus canonicus S. S. Ego mengotus canonicus patauiensis S. S. Ego Richerus canonicus S. S. Ego arnoldus canonicus S. S. Ego Hermannus canonicus S. S. Ego Albero canonicus S. S. Gotfridus canonicus ego S. S. Ego Dietmarus canonicvs S. S. Ego Chunradus canonicus S. S. Ego Timo canonicus S. S. Ego Hartnidus patauiensis canonicus S. S. Ego Eberhardus patauiensis canonicus S. S. Ego Siboto canonicus S. S. Ego arnoldus canonicus S. S.

Source Fulltext: OÖUB 2 (Wien 1856), S. 472-473