Notum sit omnibus presens scriptum intuentibus, quod ego Gvndakerus de Storchenberch quo quadam summa peccunie ac pro remedio anime mee vxorisque mee, progenitorum ac liberorum nostrorum decimam in Wedelingen, qua infeodatus sum a domino meo Episcopo Patauiensi, tradidi Eberspergensi ecclesie Frisingensis dyocesis temporibus Chvnradi Abbatis ibidem cognomento Chrevlinger; procurante vero heinrico Monacho dicto Stokel, qui postea electus et confirmatus in Abbatem, petiuit a me, quamvis memoratam decimam per litteras meas resignassem Domino meo Episcopo Rvdigero, ut ad totjus cavillationis vitium amputandum resignationem porrigerem personalem, duobus ministerialibus suis predictam decimam iure traderem feodali. Hanc peticionem, sicut debui, subito et voluntarie adimpleuj. In Curia eius Grussendorf et presentia Venerabilis Abbatis Ditricj de Aldirspach Patauiensis dyocesis cysterciensis ordinis prenominatus Abbas Heinricus de Ebersperch obtulit mihi multis viris honestis presentibus duos de meliorj familia ecclesie sue, Sifridum cognomine Slegil et Rv^odigerum de Ekkelpurch, quibus propter deum et preces ac merita dilecti Amici mej iam dicti Abbatis vvltu leto, mente hylari supra nominatam decimam iure contuli feodalj. Statim infeodati a me pro animo dederunt et confirmauerunt per obligationem manu mea factam CC libras Ratisponensis monete toto dapsilis suo domino et cenobio sepedicto. Abbas vero Heinricus sibi suisque successoribus cauens, ne nota vsure ipsis a cauillosis hominibus posset inpingi, decreuit, Sifrido Slegil et Rv^odigero de Ekkelpurch in testimonium possessionis et seruitij Annualis de summa prescripte peccunie omni Anno XXX denarios defalcari. Et ne in hoc tractatu salutifero posteritati nostre obliuio vel aliqua contrarietas Eberspergensi Cenobio dampnosa oriatur, presens scriptum iussi sigilli mei munimine roborari. Acta sunt hec Anno domini MCCXLVII.

Source Fulltext: OÖUB 3 (Wien 1862), S. 142-143, Nr. 141