Ego Wokho dictus de Rosenberch Marscalcus Boemie Zelo discretionis et iusticie ductus ab hiis, que per me meis temporibus aguntur, scriptorum memoria remouere cupiens obliuionem et dubium in futurum, Notum facio presentibus et futuris testimonio huius scripti, quod cum domino meo Ottone venerabili Episcopo patauiensis Ecclesie super quibusdam terminis Judiciorum inter Danubium et fluuium, qui Reuschmuhel dicitur, sitis, iuxta quod in instrumentis patris mei domini Witigonis pie memorie euidenter expressum est, mouerem sepius questionem, tandem fidelibus Consilij dicti domini Episcopi de Capitulo uidelicet et Ministerialibus ex parte ipsius, ex parte vero mea H. et wer. Juniore de Schoumberch amicis meis aliisque discretis familiaribus meis ad bonum concordie et compositionis ex utraque parte fideliter intendentibus sic eadem inpetitio est sopita, quod uidelicet eidem Episcopo quinquaginta Marchas, in quibus sibi tenebar, mihi liberaliter relaxanti promisi bona fide per H. et wer. predictos pro habundanti cautela sibi faciens nichilominus fideiussoriam cautionem pro centum Marchis argenti in loco uel locis competentibus sue dyocesis proprietates sue Ecclesie comparare infra spacium vnius annj, si superstes fuero domino sic volente. Quas idem Episcopus michi, vxori mee et heredibus nostris utriusque sexus, siqui per nos procreati fuerint, conferet titulo feodalj. Si vero de hac uita migrauero infra ipsum terrninum prescriptis proprietatibus nondum emptis, extunc per predictam vxorem meam et prefatos Nobiles de Schoumberch eadem emptio compleatur ipsasque proprietates tunc relicta mea cum suis pueris uel sola, quamdiu uixerit nec pueros per me habuerit, prefato titulo possidebit. Si vero successione sobolum non habita et emptione dictarum proprietatum non facta ambos decedere nos contingat, predicti H. et wer. ue alter eorum pro eadem summa, pro qua fideiussores existunt, proprietates infra Annum, quas et ipsi a dicto Episcopo et Ecclesia possidebunt feodaliter, comparabunt. Si autem huic emptioni proprietatum premorj contigerit Episcopum memoratum, Vniuersa prelibata suis successoribus et Ecclesie fideliter seruabuntur. Iidem et successores suj michi ad singulorum premissorum obseruantiam tenebuntur. Ad hec renuntio omnibus scriptis bona fide, que mihi contra Ecclesiam Patauiensem uel eius Episcopos super prefatis Judicijs actionem inducere uidebantur, pronuncians ea deinceps aliquatenus non valere. Vt autem prefato Episcopo suisque successoribus et Ecclesie Patauiensi per me et heredes meos, siquos habuero, hec omnia firmiter obseruentur, in testimonium et confirmationem eorum presentem paginam meo et predictorum H. et wer. Nobilium de Schoumberch sigillis roboratam sibi dedj cum Testibus subnotatis. Sunt autem hij Testes: Heinricus et wernhardus fratres de Schoumberch, Wernhardus Junior de Schoumberch, Vlricus et Siboto fratres de Lonstorf, Heinricus et Chunradus fratres de Hartheim, Sighardus Pibero, Meinhardus Trostelo, Berchtoldus de Haidendorf, waltherus de Tannberch, Heinricus de Merswanch. Hertnidus Dapifer de Schoumbereh, vlricus de furtte, Chunradus Stachener, Rugerus Pruschinche, Pilgrimus de Tannberch, Johannes de Merswanch, Calhohus et Heinricus fratres de Valchenstein, Heinricus deRadekke et alij quam plures. Actum Patauie Anno domini Millesimo Ducentesimo Quinquagesimo Septimo, Quarto Idus Januarij.

Source Fulltext: OÖUB 3 (Wien 1862), S. 235-237, Nr. 245