Otacharus Dei gratia Rex Boemorum, Dux Austriae et Styriae et Marchio Moraviae omnibus in perpetuum. Ut eorum, quae per nos aguntur, proinde perennis memoria habeatur, constare volumus tam viventibus quam victuris, quod nos ad petitionem Dominas Abbatissae et Conventus in Erlach Ecclesiae sancti Petri, Jura Advocatiae nostrae, quae habent ex nostra gratia speciali, universa renovamus et praesentis scripti patrocinio confirmamus in hunc modum, quod in Judicio nostro provinciali infra flumen Troyn (Traun) et flumen Anasum nullus nostrorum Judicum provincialium in bonis Abbatiae prsedictae nullas causas debeat judicare praeter eas, quae mortis supplicium respiciunt ex directo, quas tamen judicari volumus in proprietatibus Ecclesiae antedictae. Item si aliquis Judex provincialis contra aliquem hominem Ecclesiae praenotatae aliquam habuerit actionem, debet ab Advocato Abbatissse praedictae exigere justitiam, et si coram Advocato convictus fuerit, secundum quod cingulo praecinctus fuerit, provinciali Judici assignetur. Res vero ipsius malefici in usus Ecclesiae revertantur. Item si aliquis ex hominibus Ecclesiae jam praetactae quocunque casu homicidium commiserit et de culpa satisfecerit congruenti (congruenter), Advocato ipsius Ecclesiae similiter satisfaciant de commisso nec provincialis Judex noster quicquam exigat de hac culpa. Item nullus Judex provincialis in tota Advocatia dicti Claustri nullum prorsus detinere praesumat, nisi prius ab Advocato sive Judice justitiam expetat de eodem. Item in provinciali judicio ex ista parte Anasi et in Judicio provinciali alia parte Danubii, quod dicitur in Achlande, et in Judicio inferiori ultra Amsteden universa, quae praemisimus, volumus et mandamus inviolabiliter observari. Ut igitur praemissa inviolabiliter observentur, praesens scriptum sigillorum nostrorum munimine fecimus communiri Testibus, qui aderant, subnotatis. Qui sunt: Heinricus Comes de Phanenberg, H. Comes de Hardekk, O. de Myssow, Otto de Haslow, Heinricus de Lychtenstein, Hadmarus de Lychtenvvird, Otto Camerarius de Bertholdesdorf, Albero Pincerna de Celking, Heinricus Dapifer de Gritzenstein et alii quam plures. Actum et datum per manus Magistri Arnoldi tunc nostri Prothonotarii Anno Domini M. CC. LXII. Pridie Kalendas Decembris.

Source Fulltext: OÖUB 3 (Wien 1862), S. 292-293, Nr. 309