Nos Heinricus dei gratia Ratisponensis Ecclesie Episcopus omnibus in perpetuum. Veterum prudentia, quicquid memoria dignum censuit, posteris relinquendum, ne successive labentis etatis absorberet oblivio, Scripturarum testimonio veluti mentis et memorie Sigillo fideli et stabili perhennavit, ut contractus, gesta et negotia mortuorum, dum per superstites releguntur in scriptis, quasi facta noviter reviviscant et vetustas antiquorum actuum recentem induat novitatem. Sane cum ad onuste sarcine gravitatem, qua Ratisponensis Ecclesia ex difficili et immenso debitorum pondere per dominum Leonem predecessorem nostrum felicis recordationis olim Ratisponensem Episcopum pro sua et Ecclesie sue stricta et evidenti necessitate rationabiliter contractorum premebatur, insustentabiliter onerata, juste considerationis intuitum verteremus et videremus aperte, quod ex novis usurarum et obstagiorum dampnis occasione dictorum debitorum cottidie accrescentibus Ecclesia Ratisponensis incurvata ad Casum, si celeri ei non consuleretur auxilio, lapsum irrecuperabilem minaretur, Vigili et deliberato consilio decrevimus pro redemptione Ecclesie nostre ac exoneratione debitorum premissorum universos Redditus Ecclesie Ratisponensis sitos circa Maense vendere et in numeratam pecuniam venditos commutare. De communi itaque et concordi voluntate, permissione et consilio et consensu totius nostri Capituli nec non Consiliariorum nostrorum specialiter juratorum Reverendo in Christo patri domino Friderico sancte Salzburgensis Ecclesie Archiepiscopo, apostolice Sedis Legato et Ecclesie sue universas et singulas possessiones nostras et Ecclesie nostre simul cum hominibus circa Maense situatas tam in foro quam extra in pratis, in hortis, areis, agris, pascuis, nemoribus, silvis, venationibus, piscariis, exitibus et redditibus, in purchstallis et generaliter cum omnibus juribus et pertinentiis cultis et incultis, quesitis et inquirendis, que vel quas usque ad hec tempora Ratisponensis Ecclesia de jure possedisse dinoscitur ab antiquo, quarum quidem possessionum omnium ex partibus particularibus summa universalis elicita crevit in numerum denariorum monete Salzburgensis tringinta duarum librarum et quadragiuta trium denariorum reddituum, quemadmodum coram dicto venerabii patre Salzburgensi Archiepiscopo suoque consilio nec non fidelibus nostris Magistro Chunrado Curie nostre notario et Ulrico milite de Pünchouen Vicedomino nostro procuratoribus nostris legitimis Salzburgam ad taxandum et inquirendum sepefatos redditus tunc cum pleno mandato a nobis missis sub protestatione et religione iurisjurandi eorum, quibus tamquam fide dignis erant dicte possessiones plene cognite, exacte ac diligenter inventa exquisita extitit et taxata et sicut alias libellus prediorum continet sigillatim, ex qua quidem summa duarum librarum redditibus venerabili Salzburgensi Capitulo gratis a nostra liberalitate donatis sibi per ipsum dominum Archiepiscopum assignandis partem residuam vendidimus, dedimus et tradidimus pro boni et puri argenti ad pondus Salzburgense marcis ducentis et undecim certis et pollicitis terminis nobis integraliter persolutis videlicet cujuslibet libre redditibus pro argenti marcis septem Salzburgensis ponderis comparatis, modio siliginis pro sexaginta et avene pro triginta denariis, piscibus et aliis victualibus omnibus secundum suum valorem rationabiliter estimatis adjuncto, quod omnes et singulos redditus, quos subsequenter per scrutinii et inquisitionis future indaginem invenire quiverimus, sub ejusdem fori tenore eidem domino nostro Archiepiscopo et Ecclesie sue vendere tenebimur et presentibus pollicemur salvis nobis juribus infra scriptis, que in contractu emptionis transire nolumus ullo modo videlicet jure presentandi abbatem in Maense, homagiis et infeudationibus antiquis et perpetuis, quas Ratisponensis Ecclesia a priscis temporibus facere consuevit, salvisque nobis hominibus nostris nobilibus, hoc est militibus et personis militaribus, quos popularibus et inferioribus omnibus et singulis in Contractus Venditionem transeuntibus Ecclesie nostre propter honestatem publicam reservamus. Ne autem hujus venditionis seu emptionis seu solutionis pecunie, quin immo pagationis nobis facte dubium apud quospiam presentes vel posteros oriatur et ut res gesta perpetuo robore perseveret, presentem conscribi paginam et Sigillis sepedicti domini Salzburgensis Archiepiscopi, Capituli ipsius Salzburgensis Ecclesie, nostri et Capituli nostri placuit roborari pro evidenti testimonio et cautela et sunt testes dominus Dietmarus venerabilis abbas sancti Petri Salzburgensis, dominus Hainricus abbas Monasterii ad montem, Magister Wülvingus de Stubenberch doctor decretorum, dominus Chunradus plebanus de Muldorf, dominus Gebolfus Canonicus Salzburgensis, frater Andreas Vicedominus Salzburgensis et fideles Salzburgensis Ecclesie Chuno de Gutrat dapifer Curie Salzburgensis, Chunradus de Aichheim marscalcus, Ulricus de Radek, Hainricus de Harschirchen, Gotschalcus de novo Castro, Ulricus de Wispach, Johannes, Ulricus et Hainricus Curie Salzburgensis notarii, item dicti confratres nostri Chunradus de Lupurch venerabilis prepositus Spaldensis, Magister Gundacarus Scolasticus Ecclesie nostre, Ulschalcus Comes de Eschenloh, Chunradus et Philippus nostri notarii, Ulricus de Pünchoven Vicedominus noster et Rudigerus de Isninge milites nostri cum aliis quam pluribus fide dignis. Datum Ratispone anno domini 1278, XVIII. Kalendas Julii.

Source Fulltext: OÖUB 3 (Wien 1862), S. 483-486, Nr. 526