Rudolphus Dei Gratia Romanorum Rex semper Augustus Universis Imperii Romani Fidelibus in perpetuum. Regiae congruit Majestati, ut memoriter recolamus ac favorabiliter attendamus, quanta fidei puritate quantoque devotionis studio et affectu consanguineus et Princeps noster Charissimus Bertholdus Bambergensis Episcopus Reipublicae venetur honorem nostraque privata commoda diligat et sequatur, ut, dum grata servitia, quae Imperio Romano et nobis impendit, advertimus, ad hoc etiam nostrae considerationis intuitum convertamus, quas grates et gratias referamus eidem. Dictus siquidem Princeps post diversa pericula et labores plurimum sumptuosos, quibus se suamque Ecclesiam pro salvanda republica infatigabiliter oneravit non contentus obsequio, quod Romano Imperio in persona nostra devotus exhibuit, nos in liberis nostris charissimis honoravit, nam feuda illa omnia et singula, quae sibi et Ecclesise suae per mortem divae memoriae Principum Austriae, Styriae et Carinthiae, Carniolae et Marchiae in eisdem terris vacare coeperunt et specialiter Castrum Mautenberg cum Muta et omnibus suis pertinentiis charissimis filiis nostris Alberto, Hartmanno et Rudolpho ac eorum liberis et haeredibus tantum masculis contulit ipsosque ad instar et formam dictorum Principum de iisdem feudis investivit ita tamen, quod feudorum hujusmodi dictis nostris filiis concessorum ordinatio et conservatio in nostris manibus remanebit tantum pro tempore vitae nostrae; si vero libri nostri decederent sine filiis haeredibus, dicta feuda vacantia et absoluta ad Bambergensem Ecclesiam libere revertentur. Verum cum honori nostro conveniat pariter et saluti, ut damna, quae pertulit, labores, quos sustinuit, sumptus, quos fecit pro honore Imperii dictus Princeps, eamque fidei charitatem, quam in liberis nostris nobis exhibuit, digna retributionis vicissitudine compensemus, his ipsum gratiis, quae inferius annotantur, de Regia pietate digne ac liberaliter duximus honorandum. Primo videlicet, quod ab Advocatia in Veldkirchen nostro et filiorum nostrorum nomine vel cujuscunque terrae Carinthiae Principis aut Domini futuri nihil aliud exigatur, recipiatur aut etiam requiratur, nisi tantum jus illud, quod in literis super collatione dictae Advocatiae confectis Venerabilis quondam Hermanni Ducis Carinthiae Sigillorum munimine roboratis evidentius est expressum, injustis judiciis, exactionibus et steuris indebitis et aliis vexationibus, quae a dicta Advocatia ultra jus in dictis Instrumentis expressum hactenus sunt extorta, sublatis penitus et deletis. Praeterea renunciamus et cedimus pro nobis et filiis nostris ac omnibus futuris Austriae et Styriae Ducibus et Dominis omni juri, quod nobis competiit in Advocatiis de Haag, de Kirchdorff et Valle Gerstenthal, quas quondam Principes Austriae et Styriae ab Ecclesia Bambergensi in feudum tenuerunt, ipsas Advocatias cum redditibus, provebtibus, judiciis, silvis, pratis, pascuis, nemoribus et generaliter omnibus juribus et bonis quaesitis et inquirendis ad dictas Advocatias pertinentibus memorato Episcopo et Bambergensi Ecclesite libere relinquentes ac volentes ipsum Episcopum et Suceessores ejus in saepe dictarum Advocatiarum ac eisdem attinentium possessione pacifica illaesos perpetuo conseruari ita tamen, quod quilibet Episcoporum Bambergensium, qui pro tempore fuerit, de praedictis Advocatiis singulis annis in festo St. Georgii viginti talenta Viennensium denariorum nostrae et Succesorum nostrorum in eisdem Principatibus Camerae solvere teneatur. Item renunciamus et cedimus omni actioni seu juri, quod nobis in quadam Area in Castro Strasfrid competiit sive competere videbatur, quae per quondam Henricum Babenbergensem Episcopum Duci Carinthiae collata fuit. Praeterea quia tempore collationis feudorum nostris filiis concessorum memoratus Babenbergensis Episcopus Castrum Werdenburg cum quadraginta Marcarum Denariorum redditibus de feudis ante dictis deduxit sibi et Ecclesiae suae de beneplacito nostro perpetuo retinendum, nos pro nobis, filiis nostris praedictis et universis Successoribus nostris||
in Principatu Carinthiae deductioni, retentioni et reservationi castri praedicti cum omnibus juribus et pertinentiis suis consensum nostrum perpetuum dedimus et donamus promittentes firmiter pro eisdem praefatum Episcopum et Ecclesiam Babenbergensem pro dicto Castro et suis attinentiis nunquam de caetero impeti vel turbari, hoc tamen signanter adjecto, quod redditus Castri praedicti, qui redditus quadraginta Marcarum denariorum excesserint, nostris et Successorum nostrorum usibus attinebunt, Provinciali judicio quoad ipsum Castrum usque modo deservire consuevit, ipsis quadraginta Marcarum denariorum redditibus nihilominus intercluso. Promittimus insuper pro nobis et filiis nostris Principi supra dicto et Ecclesiae suae, quod nos et iidem filii nostri ac alii Successores nostri in dictis terris eidem Ecclesiae suae et Successoribus suis aderimus auxilio, consilio et favore ad hoc, ut universa feuda, quae sibi et Ecclesiae suae vacant et quae deinceps in dictis terris per mortem cujuscunque et in aliis terris per mortem Principum, Comitum, Nobilium, Ministerialium vel aliarum personarum cujuscunque conditionis aut status existant, vacare inceperint, plene et integraliter assequantur; similiter in feudis illis, quae ipsi Ecclesiae et Episcopo per statuta sive traditiones Imperiales seu regales aut per sententias judiciarias vel per modum alium debitum et consuetum vacare caeperunt vel incipient in futurum, sibi et suae Ecclesiae acquirendis nos et liberos nostros et praedictos nostros successores habebit et sentiet promotores. In quorum feudorum juribus et libertatibus conservandis nos, filii nostri et Successores nostri in dictis terris praefatae Ecclesiae defensores esse tenebimur pariter et Tutores. Testes hujus rei sunt Venerabilis Joannes Gurcensis Episcopus, honorabiles viri Rudolphus noster Cancellarius, Henricus Abbas Admontensis, Scriba Styriae et Magister Godefridus aulae nostrae Protonotarius, illustris Albertus Dux Saxoniae, Nobiles viri Fridericus Burggravius de Nu^ernberg, Burchardus de Hohenberg, Bertholdus de Henneberg, Eberhardus de Kazenelebogen, Hugo de Wertemberg, Ulricus de Montefourti, N. de Ryenegge, Comites, Ulricus de Tuvers, Reinhardus de Hagenova, strenui viri Otto de Lichtenstein, Fridericus de Lengeberg dapifer, Ulricus de Capella, Albertus de Bucheim, Magister Conradus Scriba Austriae et quam plures alii. Nulli ergo omnino hominum liceat hanc paginam nostram infringere aut ei in aliquo ausu temerario contraire, quod qui fecerit, gravem nostrae Majestatis offensam se noverit incursurum. In cujus rei testimonium et robur perpetuo valiturum praesens scriptum Majestatis nostrae Sigillo duximus roborandum. Signum Domini Rudolphi Regis invictissimi Romanorum. Datum apud Rotenman octavo Calendas Novembris, Indict. VIII. Anno Domini Millesimo, ducentesimo septuagesimo nono, Regni vero nostri Anno VII.

Source Fulltext: OÖUB 3 (Wien 1862), S. 505-508, Nr. 545