Ich Ortolf von waldekke tuen chunt allen den, die diessen brief ansehent, daz ich hern vlreichen von veidenholtz meinen hof datz linde han gesatz vmb viertzehen phunt alter wienner also, ob ich im vor sant Jorgen tag widergib die vor genanten pfenning, so schol der hof wider ledich sein als e; ist des nit, so schol er denselben vorgenanten hof in rehter satzung gewer haben vnd woz im daran abget, da lobt im mein veter vmb her Meingoz von valdek der chorherre ze pazzaw zv^o samt mir vnd geit im darvber sein jnsigel an disev hantvest zve samt dem meinen.

Source Fulltext: OÖUB 3 (Wien 1862), S. 526, Nr. 570