Ich Chvnrad van lichtenwinchel vergih offenbar an disem brief allen den, die disen brief sehent vnd ho^erent lesen, daz ich porge bin vmb acht pfunt wiener alter pfenning fu^er Otachern den furtaer hintz hern vlreich von weidenholtz, dem hat Otacher der furtaer ein gut fu^er div acht pfunt gesatzt, leit ze vreiling vnd swaz dem vor genanten hern vlreich von weidenholtz an dem egenanten gut abget, daz sol er haben mit meiner hausfrowen gu^etleihem willen vf allev dev vnd ich han vnd gib im mein insigel v^eber die bescheiden red an disen brief zeinem vrchv^ende.

Source Fulltext: OÖUB 3 (Wien 1862), S. 526, Nr. 571