Nos Rudolfus dei gratia sancte Salzburgensis Ecclesie Archiepiscopus, apostolice sedis legatus profitemur et constare volumus universis, quod in contractu permutationis, quem cum venerabili in Christo fratre nostro domino Heinrico Ratisponensi Episcopo et Ecclesia sua fecimus, promisimus bona fide, quod abhinc usque ad festum sancti Georii proxime affuturum et deinde infra annum omnes et singulos redditus feodorum, que olim Comites de Ortenberch in districtibus Maense a Ratisponensi Ecclesia tenuerunt, et universos redditus Ecclesie in Aychpach sine dolo et omni malo ingenio, diligenter et fideliter inquiremus, ipse vero dominus Ratisponensis Episcopus infra predictum terminum omnes redditus feodorum, que a nobis et Ecclesia nostra in Parochiis Brichssen, Sel et Rordorf a quibuscunque habentur vel sunt habita usque modo, simul cum redditibus earundem Eeclesiarum, in quibus nobis jus competiit patronatus, omni captione diligenti scrutinio promisit exquirere similiter bona fide, ut post fidelem indaginem utrobique facta collatione omnium permutatorum reddituum equa lance Ecclesia nostra vel Ratisponensis, cui plus cessisse videbitur et que pinguiorem partem inventa fuerit recepisse, alteri Ecclesie tenebitur per similia feoda resarcire vel si magis placuerit excessu a parte majori defalcato permutatio ad equalitatem debitam reducatur. Datum Auguste anno domini 1286, in purificatione beate Virginis, in predictorum testimonium et evidentiam pleniorem.

Source Fulltext: OÖUB 4 (Wien 1867), S. 42-43, Nr. 47