Nos frater Otto dictus Abbas Ecclesie altti vadj Cysterciensis ordinis ac Pragensis Dyocesis constare volumus vniuersis presencia inspecturis, quod nos de conmuni consilio et assensu fratrum nostrorum quorumlibet Curiam nostre Ecclesie in Rvdolfzpach et fevdum adiacens in Grillperg volentes in vsus magis vtiles conmutare, cum ipsa bona nostre Ecclesie minus congrue essent adiacencia, vendidimus cum omni iure ac libertate, qua eadem bona tenuimus ac possedimus, Canonicis de Ecclesia Sancte Marie in plaga perpetuis temporibus vniuersaliter cum omnibus adtinenciis ad eadem bona tam in agris, pratis, pascuis quam et siluis proprietatis titulo possidenda. Super eisdem autem bonis cum domini Heinrici de Schavmberch donacionis priuilegium habeamus, nolumus, vt nostris aut successorum nostrorum temporibus idem priuilegium in nostra Ecclesia prescriptis fratribus ac Ecclesie in plaga existat in aliquod preiudicium sev grauamen, sed pocius in cautelam et defensionem inpeticionum quorumlibet in futurum. In cuius rei testimonium presentem litteram ipsis dedimus nostri sigilli robore conmunitam Testibus, qui eidem contractui interfuerunt, nichilominus subnotatis, qui sunt frater walthervs, frater Stephanus nostre Ecclesie, frater Theodericns, frater Mathevs plagensis Ecclesie, dominus Cenko Miles de Cypin, dominicus de pazzawerslag, Nycolaus de Dborsatslag, vlricus de woeihseln, Chvalo et pribizlaus frater eius de Sesstaw et plures alij fide digni. Datum et actum anno dominj M°.CC°. nonagesimo primo III°. Nonas Septembris.

Source Fulltext: OÖUB 4 (Wien 1867), S. 156-157, Nr. 169