Ich hadmar von valchenberch vnd Rapot von valchenberch tvn chvnt alle den, di nv sint vnd her nach chvmftich werdent, daz wir geben haben auf di chappelle ze valchenberch daze v^ezeinstorf zwelif schilling geltes, daze sleze dreizehen schilling geltes vur di zwen ho^ef, di wir vnserm geswein hern vlreich von chappelle ze Nivnchirichen geben haben, di widem waren auf di vor genanten chappelle, mit sogetaner beschaidenheit, daz wir hadmar vnd rapot di vor genanten gulte der chapelle vnd swer sein phleger ist, schermen schuln vur alle ansprach vnd fur allen chrieg nach landesreht. daz dise rede stet beleib vnd vnzebrochen, geb wir disen brief dar vber ze einem v^erchv^ende mit vnserm insigel. der brief ist geben an sant cholomans tag, do von christ geburde waren Tavsent iar, zwai hvndert iar, zwai vnd nevnzich iar.

Source Fulltext: OÖUB 4 (Wien 1867), S. 172, Nr. 187