ICH Wernher von Slierbach tun chunt an disem brief allen den, di nu lebent vnd hinnach khünfftig sint, da ich bey dem taiding gewesen bin, da sich mein Vetter herr otte von Celkhing herrn ludweiges Sun mit herrn Vlreich von Chappell sein Swecher also Verrichtet hat, daz er zu seiner tochter mein Vettern fünfzig Pfundt geltes geit vnnd mein Vetter herr Otte noch sein Haussvroue noch jr Chint vu^erbaz mit herrn Vlreichs gut von Chappell noch mit seinen leuten nicht zeschaffen sullen haben, diser red vnd der taiding bin ich gezeug vnd gib darüber disen brief ze vrchund mit meinem jnsigel. der brief ist geschriben ze Wienn des nahsten Mentags nach dem Perichtag, da von Christes gepurt sint gewesen tausent zwayhundert Neunzig jar vnnd hinnach in dem Vierden jar.

Source Fulltext: OÖUB 4 (Wien 1867), S. 200, Nr. 218