Ich Ortneid der Thanberger wirgieh (sic) allen den, di disen brief sehent oder horen lesen, di nu lebent vnt her (sic) chunftig sin, daz Marchard abmperg dacze widersod zechs sillingin gelst, di er zrechtim lehen vom mir ghabt hot, mit meiner hant vnt mith meim guten willen dem gotzhaus daz im zlag czuem zelgereth hot gegeben vnt di ubrigin zeczik phening gult dazelbst zwidersod hot ouch gezeczith dem vorgnatem gotzhaus mit meiner hant wr vierdhalb pfhunt Pazzower phening seiner havsfrowen czuem zelgereth. Daruber gib ich disen brief dem oft gnantem gotzhaus dazt dem zlag wirinsigilt mit meim Insigil. Der ist geben, da won Cristes puerd worin Tausent Jar Czwaihundert Jar, jn dem vierden vnt nevnczigeinstin Jar. Dez sein gtzeug Chalhoch der valchestainer, her hainreich abmperg, Ot vnt Irmfrid won Olafpach, vernhart vnd vlreich won poxruk, vlreich der puhler.

Source Fulltext: OÖUB 4 (Wien 1867), S. 216-217, Nr. 237