Ich Gundaker von Storchenberk tv^en allen den chvnt, die disen prief sehent oder ho^erent lesen, di chvnftik sint vnd noh chvtiftik werdent, daz ich herm vlrich von weidenholtz ein lehen an dem porcz bi Scho^eneno^ewe, daz im vro Fridriches havsfro^ewe von hvngerperige hat auf vor mir gegeben, han verliehen ze rehtem lehen vnd bin auch des sin herre vnd sin gewer ze hof vnd ze taidinge vnd swa ich zereht sol. Daz im div red staet von mir belibe vnd vnvercheret, dar vber gib ih im disen prief ze vrchvnd versigelt mit minem insigel. Des sind gezivk Her chvnrat der pharraer von puhel, her Sifrit der pharraer von mekenhoven, Her Ott von Webach, Chv°nrat von Sant Jorigen, Merkil vnd diether von der aschach, vlrich von Imperndorf, Chvnrat der holczman, Chvnrat von Ezensdorf, Leutolt sin pruder, vlrich von hartchirchen, Hainrich an dem wege, Chvnrat der taenderlaer. Der prief ist geschriben, do von Christes geburd waren Tovsent iar, driv hvndert iar vnd in dem andern iar.

Source Fulltext: OÖUB 4 (Wien 1867), S. 423, Nr. 457