Ich vlreich von walse Hauptman vnde Truchsaetz in Steyr vergihe vnde bezevge mit disem priefe, daz der edel man her Hertneit von pettowe mich mit samt den Andern, di sein Pv^ergel worden sint gegen dem von Neyffen graf Perihtolden an der lo^esunge vmbe Ernhausen, als ez gelobt wart, vollichleich gelediget hat ze zwain maln dreyrhundert march Silbers gewegens an den ersten zwain werunge, di geschehen scholden vnde auch geschehen sint vor phingsten vnde ze sande Jacobs misse vnde dar v^eber, daz der verrihtunge vnd der selben werunge, dev so ceitleich geschehen ist, iht vergezzen werde, han ich dem vorgenandem herm Hertneiden von Pettowe disen prief gegeben ze vrchv^ende der warhait bestaetigt mit meinem Insigel. Des sint gezevge Her Herman der Pezzentzer, Her perhtolt von Swannberch, Otte der Metze, vlreich ab dem Laz, wolfel von dem Holrmues, Dietmar von Lemberch, wolfhart der Schreiber vnde ander piderbe levˆte, den ez wol gewizzen ist. Daz ist geschehen vnde der prief ist dar v^eber gegeben in der Stat ze Pettowe nach vnsers herren geburte Tausent jar, Drevhundert jar, dar nach in dem Anderm Jare an sande Mareyn Magdalenen tage.

Source Fulltext: OÖUB 4 (Wien 1867), S. 417-418, Nr. 450