Ich Gundakcher, ich Ru^eger, ich jans wi\er drei Pru^eder van starhenberch tun chunt mit dem prief, daz wir verlihen habent hern vireichen van weydenholcz vnd allen seinen eriben Sunn vnd tochtern, wie di genant sind, daz gesa^ezz ze weydenholcz gelegen pai waczenchirichen vnd waz darzu^e geho°rt vnd waz er vnd sein eriben van vns ze lehen habent oder noch gewinnent, wie daz genant ist. wir tvn auch im vnd seinn eriben sunderleich di genad durich der di\enst willen, di er vns vnd vnsern vadern getan hat, daz er vnd sein eriben di selben lehen geben vnd geschaffen mu^egen, wem si wellent vnd wann si wellent vnd ist daz vnser vnd vnser eriben gu^eter will; vnd wem si di lehen gebent oder schaffent, der vns oder vnser eriben mant mit dem prief, dem so^ellen wir leihen an all widerred in allen den rechtten, als ez her vˆlreich der weydenholczer van vns gehabt hat. wir sollen auch der selben lehen, wir vnd vnser eriben i\er herren vnd gebern sein, wa in dez nat geschieht, vnd dar vˆber geben wir in den prief zu ainem warn vrkchûnd mit vnsern drein geprudern anhangvnden insigel besigelten, der geben ist nach christes gepurtt Tausent iar, drew hundert iar vnd in dem andern iar dez mitichens nach sand Johanstag ze sunibenden.

Source Fulltext: OÖUB 4 (Wien 1867), S. 417, Nr. 449