Ich Otacker der Esel vnd mein Havsfraw Elspet tv°n chv^ent an disem prief allen den, die in sehent oder hoerent lesen, die nv^e lebent oder her nach chv^emftich sint, daz wir Phylippen dem schaffer haben gesatzt vnsers aigens da ze Rvetzeinstorf vier pfv^ent gv^elt ane Sehziech pfennig fv^er siben vnd zwainzich pfv^end pfennig wienner mv^entz auf sant Mychelstag, der schyrst chv^emt, mit so beschaidenr red vnd av^ez genomen, ist, daz wirz des selben tages oder in den acht tagen dar nach nicht enloesen, so sol dev vorgenantev gv^elt sein rehtz lehen sein vnd seiner Hov^esfrowen vnd all seiner erben sv^en vnd toechter von mir vnd von meiner Havsfrowen. er sol aber mir her zv^e geben, swezz tevver ist nach nwaier piderb manne rat, die vns paiden wot fv^egen, ist aber, daz vns die zwene man nich mv^egen mit einander verslichten, so sol her Seibot von Potendorf v^eber man sein vnd swie ez der beschaidet, also sol ez stete pleiben. Des sirst gezevg Her Hainreich von hv^ent, her Chu^enrat, her Seibot von Potendorf, her Eberger, her Meinhart, her Herbort die Lengenpecch von Potendorf, her Ott Cherpecch, Ott der sachs, Sighart der Libnzer, Ott wirsinch vnd ander piderb levt. Dar vber gib ich im mein prief ze einem offen gezevg vnd zainer vestnv^eng diser Sache. Diser prief ist gegeben ze Potendorf ze Mitter vast, do von Christ gepv°rt warn ergangen Tavsent iar vnd drev hv°ndert iar, dar nach in dem vierden jar bestêtigt mit meinem insigel.

Source Fulltext: OÖUB 4 (Wien 1867), S. 458, Nr. 493