NOS Wernhardus dei gratia Ecclesie Patauiensis Episcopus Presentibus profitemur, quod tam nostrum et Ecclesie nostre quam Ecclesie in Plaga sancte Marie nostre dyocesis premonstratensis ordinis cupientes comodis prouidere quandam permutationem bonorum Ecclesie nostre patauiensis sitorum circa fines prediorum et bonorum dicte plagensis Ecclesie pro aliis quibusdam bonis dicte Ecclesie in plaga adiacentibus nostris bonis, que (sic) de consensu venerabilis Capituli nostri duximus faciendam. Premissa igitur primitus inquisitione, estimatione, taxatione per fideles nostros Chalhohum de valchenstain et Levpoldum purgrauium nostrum de Morspach de mandato nostro factis assignamus supradicte Ecclesie in Plaga sancte Marie in causam permutacionis de illis bonis directo dominio ad nos pertinentibus, que a Rudgero de Haychenpach bone memorie comparauimus, sub limifatione infra scripta. Omnes agros, Prata et Siluas ad bona in Neitschlag et Geiselreut pertinencia, que sunt inmediate adiacencia meatui fluminis Muchle distincte et absolute donec ad Riuolum, qui inter Geiselrevt et Swobso^ede defluit et ab eisdem terminis generaliter per ascensum omnia Nemora ac deserciones siue deserta, videlicet in Nevndorf, in Havnstain, in Mitterrevt, in Zaglaw necnon in Chirchen cum quibuslibet aliis inibi situatis cultis sev incultis, quesitis sev inquirendis donec ad Riuolum, qui vinsterpach vulgariter nuncupatur transferentes omnia, prout supra in suis nominibus sunt expressa, cumpossessionis comodo et proprietatis perpetue tytulo, cum omnibus vsibus quocumque nomine censeantur, in Ecclesiam supradictam in Plaga sancte Marie. Ad huiusmodi autem permutationis effectum specialiter nos induxit, quod predicta bona nostra deserta a longe retroactis temporibus fuerunt et quod per nos ad culturam perfecti status difficulter reduci poterant et quod venerabilis frater Dominus vlricus tunc Ecclesie in Plaga sancte Marie prepositus et Conuentus ibidem nobis in causam permutationis predicte dederunt et assignaverunt Nouem librarum redditus exceptis Sexaginta denariis in bonis vtilibus nostris municionibus et aliis redditibus nostris adiacentibus et propinquis, videlicet in Glatzing et in Lichtenekk duas libras reddituum, in Ru°dmarsdorf Sex solidos, in Avttengrveb Decem et Octo solidos, in Pelleinsrevt Decem et octo solidos, in Mulode Decem solidos, in Swobsode mediam libram reddituum annuatim patauiensis monete. et vt premissa omnia inconuulsa perpetuis temporibus perseuerunt, presentes litteras dedimus sepedicte Ecclesie in Plaga sancte Marie et fratribus nostro et venerabilis Capituli nostri sigillis conmunitas. Huius rei testes sunt dominus Gotfridus prepositus, wolfkerus decanus, Meingotus senior de waldek, Schatlanus de Haslaw, Comes Eberhardus de wartstain, Gebhardus de walse, magister Otto, Albertus de Morspach, Sifridus de Paulstorf, Rudolfus de valchenstain, Ortolfiis de Murring Ecclesie nostre Canonici, Chalhohus de valchenstain et Patrui ipsius fridericus et Chunradus, Espinus de Hag, Levpoldus de Morspach, wilhalmus de wintsperch et alii plures fide digni. Datum et actum Patauie Anno dominj Millesimo Trecentesimo Duodecimo in Crastino Trinitatis.

Source Fulltext: OÖUB 5 (Wien 1868), S. 77-79, Nr. 75