In nomine Domini amen. Albertus Dei gratia Ecclesioe Pataviensis episcopus ad perpetuam rei memoriam. Bonae rei dare consultum et prssentis vitae habetur subsidium et aeternae remunerationis cernitur praemium expectare. Propter quod digna promptitudine eas res prosequimur, per quas Deo famulantium indigentiaa succurritur et cultus divini Numinis conservatur pariter et augetur. Sane comperimus, quod monasterium in Plaga Canonicorum regularium Ordinis Praemonstratensis nostrae diocesis ex ipsa situs qualitate sui expositum est oppressionibus malignantium, nunc quoque ex guerris patriae et temporum malitia non tantum igne est consumptum hostili et concrematum sed etiam aliis adeo gravatum est pressuris, quod, nisi opportuno ei succurratur adiutorio, fratres ibidem Deo famulantes in illo commode sustentari non poterunt, diuina minuentur officia, consueta hospitalitas cessabit et alia penitus opera deperibunt. No^es itaque tanto uolentes occurrere dispendio ac cupientes seminare in terris, quod multiplicato fructu mereamur in coelis, praehabitis deliberatione et tractatu maturis cum dilectis in Christo fratribus Praeposito et Decano et capitulo nostro de eorundem voluntate unanimi et consensu ecclesiam parochialem in Rorbach ad nostram collationem cum pleno iure pertinentem cum omnibus suis pertinentiis collegio praedicti monasterii in Plaga appropriamus, annectimus, unimus, concedimus et donamus ipsius collegii usibus perpetuo profuturam ita tamen, ut quotiescunque ecclesiam eandem vacare contigerit, praepositus praefati monasterii, qui pro tempore fuerit, perpetuum vicarium de suis fratribus, vel aliquem de electis saecularibus, prout sibi melius videbitur, teneatur nobis aut nostris successoribus praesentare, qui investituram atque euram suscipiat animarum. Verum quia antedicta parochialis ecclesia olim ad Custodiam ecclesiae nostrae cathedralis in certis iuribus consuevit respicere: Nos eandem custodiam debito sibi obsequio fraudare nolentes de dictorum fratrum nostrorum consilio et consensu taliter duximus ordinandum, quod praepositus monasterii in Plaga, qui pro tempore fuerit, vel vicarius saepedictae parochialis ecelesiae quatuor libras Pataviensis monetae videlicet in singulis quatuor temporibus unam libram Custodiae praefatae persolvere teneantur. Jura quoque Episcopalia nec non Legatorum, Archidiaconorum, Decanorum et alia onera Canonica salva remaneant in eadem. In cuius rei certitudinem et testimonium plenius praesentes concedimus litteras sigilli nostri munimine consignatas. Actum et datum Patavioe anno Domini MCCCXXI. Quinto Calendas Maji.

Source Fulltext: OÖUB 5 (Wien 1868), S. 292-293, Nr. 301