Wir Graf Wilhalm von Schoumberch vnd wir Groefin Elspet sein wirtinne wir paide verichn an disem offern briefe vnd tu^en chunt allen den, die in sehent oder horent lesen, daz wir willichleichen vnd mit verdachtem mu^ete versaczt habn dem edlen manne hern Petern von Liebnberch vnsere vest Truchsen vnd swaz der zu° geho^ert, liut vud gu^et, swie iz genant ist vmb sex hundert march aglayer von nu sand Jo^ergen tag der schierist chumt vber zwai iar, mit sogetanen gelubden vnd punden, wer, daz wir den vorgenanten hern Petern von Liebnberch vnd seine wirtinn vnd ir erben ermanen mit sex hundert marchen aglayern, ez sei hewer oder hincz iar oder in dem dritten iar, ie des iares vor sand Jo^ergen tag acht tag vnd hin nach acht tag vnd iaerichleich zwainzich march aglayer purchhu^et, des wirt in den drein iaren sechzich march, vnd ze pezzerung des houses zwo vnd dreizzich march aglayer dev dro jar, vnd mugen in daz haus wol stetigen mit vnserm gu^etem willen, so svlen si vns die vurgenanten vest Truchsen vnd swaz der zu gehort, her wider ze loesen gehn vmb daz vorgenante gu^et an allen chrieg vnd an alle taiding. jst aber, daz dev vorgenante vest veruelt vnd vertzichkt, swaz danne der vorgenaut her Peter von Liebnberch vnd sein wirtin vnd alle ir erben des schaden nemen, das sullen si ouf der vorgenanten fest habn vnd ouf alle dev vnd dar zuo geho^ert, vnd mugen in daz stetigen mit vnserm gutem willen an allez geuerde, als vorgeschriben stet, ouf die vorgenanten vest iaerlichleich ze purchhu°t zwainzich inarch aglayer vnd ze pezzerung des houses zwo vnd dreizzich march aglayer, die sullen wir in gebn, ob si di fest hin wider losent, so sein wir in des guts gepunden ze gebn mit samt anderm gu°t, als oben geschriben stet. Dar vber ze vrchunde gebn wir in disen offen brief versigelt mit vnser paider anhangendem jnsigeln. Des sint geziug der edel her Chu^enrad von Auuenstein, her wulfing vnd her friderich von Rechperch, her Ott von Himmelberch, her Friderich der smucher vnd ander erber liute. Der prief ist gebn ze Pleiburch, do man zalte von Christes geburte tousent vnd drew hundert iar, in den fu^emf vnd zwainzigistem jare des samztags nach sand vlreichs tag.

Source Fulltext: OÖUB 5 (Wien 1868), S. 432-433, Nr. 433