Ich Gebhart vnd ich Heinrich chvnrats des vinchen Sv^en von Semftenpach tv^en chvnt an disem brief allen levten, daz wir mit wolbedachtem rat vnd mit gvnst vnd willen vnser beider hausvrowen vnd aller vnser erben ze chauffen haben gegeben vnser erbrecht dev zway tail ze Semftenpach auf der halben hv°b. di da gehaizzen ist an dem Ort, mit allen den rechten vnd nutzen, als wir ez gehabt haben vnd vns vnser vater lazzen hat, Chvnrat dem smid von Semftenpach vmb siben pfvnt pfenning Pazzawer mv^eniz, der er vns gar vnd gaentzeich (sic) verricht vnd gewert hat vnd verricht (sic). Dar vber ze einem ewigen vrchvnd geb wir in (sic) disen brief versigelt vnder heinrichs insigel von elhenpach, der ze den zeiten des Pichsolfs von Pazzaw ampman ist, vnd verpinten vnds dar vnder mit vnsern trevwen, wan wir selbe nicht aygen jnsigel haben. Daz ist geschehen, da man zalt von Christs gepvrt M. CCC. darnach in dem xxvj. jar. des sint gezevch chvnrat der list, dietreich der Stainp(ech ?), wolfgang sein sein (sic) svn, andre der stelzoer, ch. der mezzenpech, H. der wais, jacob von waldaren vnd ander bederbe levt.

Source Fulltext: OÖUB 5 (Wien 1868), S. 463, Nr. 465