Dem edeln fu^ersten vnd meinem lieben herren hern Albert Bischolf ze Passaw Enbeut ich vlrich von Chrotendorf trewleich meinen dienst. Ich tvn chunt ewern gnoden, daz ich dem Probst vnd dem armen gotzhaus datz sand Marein slag lang sol gelten fv^emf vnd dreizzich March lo^etiges su^ebers vnd wan ich mir begrebnv^ezz da han erweit datz vnser vro^ewen, schaff ich in ze einem selgeraet zehen March vnd fv^emf fu^er oppher vnd fu^er die chost vnd han fu^er daz gv^et dem egenanten gotzhavs dez satzes datz Epping vnd da pei, den ich von ewren gnoden inne han, vntz an ewer gnad ingeantwurt ochthalb phunt geltz vnd den chlainen dienst vnd pitt vnd mon evch mein lieber herr, daz ir gedenchet dar an, daz ich ev mein gv^et han in geantwurt auf ewer fu^erstleich genad vnd trewe, daz ir den satz durch got vnd durch seiner lieben mv^eter Maria willen bestaetiget irm vorgenanten gotzhavs datz dem Slag vnd den pru^edern da selben ev selbe vnd mir ze einem ewigen scelden, vnd dev gv^et, die ich in genant vnd gemaint han, di seint also genant vnd gehaizzen: Pelleins roeut, zem vlech, zem Stadel, Swobso^ed, Mvlo^ed, dev Mv^el ze Pehmstorf. Vnd dar v^eber gib ich disen prief versigelten mit meinem jnsigel. Der prief ist gegeben, do von Christes geburd worn Drevtzehenhundert jar, dar nach in dem Sechs vnd zwainzigisten jar nach vnser vro^ewen tag in dem Heribst dez vreitages.

Source Fulltext: OÖUB 5 (Wien 1868), S. 458, Nr. 460