Ich Chvnrat der Slegel vergich Offenleich an disem Brief vnd tu^en chunt allen den, die in an sehent oder ho^erent lesen, daz ich mit verdachtem mit, mit gu^etem willen vnd gvnst aller meiner Erben meinen lieben vnd genaedigen Herren den Edlen Graf Hainreich, Graf Levtolt vnd andern ieren Bru^edern den Grafen von Schovnberch ze chovffen han gegebn Gv^entschirchen Vrbor, Cehent, Manschaft, Laeut vnd gu^et vnd allez, daz dar zv geho^ert, versu^echt vnd vnuersu^echt, swie daz genannt ist oder swo daz gelegen ist, Als ich ez von Chu^enraden von Liechtenwinkchel gechovffet het vnd als er vnd ich vnd vnser erben ez von vnseren lieben vorgenannten Herren von Schovnberch vorfordern vnd von in vnd ierem Veter Graf Chvnrat von Schovnberch zerechtem Lehen gehabt haben. Vnd daz han ich vnd mein Erben in recht vnd redleich ovf gegebn vnd han in ovch staet dar v^eber getan, der si bedorft vnd gemv^etet habent, vnd swaz ich Brief dar v^eber gehabt han alter oder new^eer, vervallner oder der ich nicht enwaeizz, die sint mit disem gegenwu^ertigem Brief aller dinge gaentzleich an allez gevaerde tod vnd ab. vnd dar v^eber ze einem v^erchv^ende vnd ze einer gedenchnu^esse gib ich disen Brief mit meinem Anhangvndem Insigel versigelten. Der ist ze Wels gegebn des naechsten Pfinztags vor sand Mathias tag, do man zalt von Christes gepurt Dreu^etzehen Hvndert jar vnd dar nach in dem Syben vnd zwaintzgistem Jare.

Source Fulltext: OÖUB 5 (Wien 1868), S. 470, Nr. 473