ICH alhaitt Gra^efin von Orttenwerg Vergich offenwar an disem brief vnd tun kund allen den, dj in sechnt oder horent lesen, Das ich mich vnd auch an meiner Erben Statt williglichen an alles geua^er mit disem brief verzeichen vnd verzigen habenn alles, des mir vnd andern meinen geswistratten vnser saliger vatter Graf hainrich von Schawnnberg, dem gott genad, lassen hatt, wie das genant ist oder wo das gelegenn ist Also, das ich vnd mein Eriben Ewigclich nymer mer kain ansprach noch kainen krieg weder mit recht noch an recht dargegen haben sullen, den als ob der tod nicht engab, da sol ich vnd all mein Eriben gantzen Erbtail anhaben, als ander mein swestern vnd ir Eriben. Vnd das das also sta^ett vnd vnzuproehen beleib, daru^eber ze einem vrkund gib ich disen brief mit meinem vnd mit meins lieben Herrn vnd wirts anhangunden jnsiglen besigelten; Der ist ze Schonberg gegeben in der vastenn des Suntags als dj vier tag geuastett sind, do man zallt von kristi gepurdt drewzechenhundertt jar vnd in dem Siben vnd zwaintzigisten Jarenn.

Source Fulltext: OÖUB 5 (Wien 1868), S. 471, Nr. 474