WIR Fridrich von Gottes genauen Ro^emischer Khunig, alle zeit ain Mehrer des Reichs Thuen kundt o^effentlich mit disem Brieff, Das wir vnnsern getrewen lieben N. den Burgern von welss die gnadt gethan haben vnd thuen auch mit disem Brieff, Das Sy fu^erbass jren Marckhttag ze Welss haben sollen an dem Mittichen in aller der weiss vnnd in allem dem Rechten, als Sy jn vor an dem Sambstag gehabt habent. Vnnd dauon gepieten wir allermenigclich Vnnd wellen, das man denselben Marckht furbass sueche auf den Mittichen vnnd nicht auf den Sambstag. Vnnd des ze einem vrkhundt geben wir jn disen Brieff versiglt mit vnnserm Kunigclichen jnsigl. Der ist geben zu welss am Freytag vor Sanct Agnesen tag, do man zelt von Christes geburde dreytzehenhundert jar vnnd darnach in dem Achtundtzwaintzigisten jar, in dem viertzehenden jar vnnsers Reiches.

Source Fulltext: OÖUB 5 (Wien 1868), S. 504, Nr. 506