Ich Wernher von Pollenhaim vndich Go^etfrid von Pollenhaim pru^eder veriehen vnd tuen chunt allen den, di disen brief horerit oder lesent, daz wir dem erbern herren hern Eberharten von Walse zu der zeit Lant richter ob der Ens vnd seinen Erben vnsern viertail, den wir haben gehabt an dem haus zu Sevsenburch, recht vnd ||
||
redleich ze chauffen haben gegeben vm funf hundert phunt phenning alter wienner munz vnd haben vns der gancz vnd gar gewert vnd haben auch in den vorgenanten vnsern vierdentail ze chauffen gegeben mit vordachtem mute vnd mit aller vnser Erben gu^etleichem willen zu der zeit, da wir ez wol getu^en mochten, vnd haben in auch denselben vierdentail gegeben mit allen dev vnd dar zu geho^ert zu holcz vnd zu veld, versuecht vnd vnuersuecht in allem dem rechten, als ez vnsern vodern vnd wir enthher bracht haben, vnd sullen auch des offt genanten vierdentails an dem havs ze Seusenburch sein vnd seiner Erben gewer sein, wa in des not geschicht, als des Landes zu Osterreich vnd ob der Ens recht ist, vnd sullen in daz richtig machen mit vnser lieben herren hant, der herzogen von Osterreich, von den ez lehen ist. Daz in daz stet vnd vnuerchert beleib, dar vm geben wir in disen brief bestatigt vnd besigelten mit vnser peder anhangenden jnsigeln. Der brief ist geben daez Chremsmu^enster nach Christes gepu^ert dreuzehen hundert iar, dar nach in dem nevn vnd zwainzigistem iare des suntags vor vasnacht, so man singt circumdederunt.

Source Fulltext: OÖUB 5 (Wien 1868), S. 535-536, Nr. 535