Ich Vlrich der Pru^eschenkh vnd all meine Erben Son vnd tochter, vnd Ich Fridrich der Pru^eeschenkh wu^er bayd Brueder vnnd all vnser Erben veriechen vnnd thuen khundt allen den, die disen brief sehendt, lesent oder ho^erent lesen, die nu lebent oder hernach khunfftig werden, Das wu^er durch recht ehafft not vnd nach vnser Vreundt Rhat vnd zu der Zeit, da wu^er es woll gethuen mechten, vnnd mit gueten willen vnser Vlrichs vnd Fridrichs Pru^eeschenkhen vnnd all vnser Erben geben haben hern Eberharten von Walsee ze den Zeiten Landtrichter ob der Ennss vnd vrou Annen seiner hausfrauen vnnd seinen Erben vnser rechtes Aigen das haus ze Vreydenstain vnd alles daz darzue geho^ert, es sein gestifft guett oder vngestifft, versuecht oder vnuersuecht, ze holz vnnd. ze veldt, es sein lehen oder aigen, Vogtey oder vogtrecht, swie daz genannt ist, vnnd swo es in dem landt gelegen ist, lediglich vnd vreilich mit vollem rechten vnd nuzen vmb Tausent pfundt Wienner pfening, der er vnnd sein hausfraue vro Anna vnnd sein Erben vns vnd vnser Erben ganz vnd gar verricht vnnd gebent habent, vnd sein auch des vor genanthen haus vnd aller der vor vershriben redt Wu^er vnnd vnser Erben des vor genanthen herrn Eberharts von Walsee vnd vron Annen seiner hausfrauen vnd seiner Erben rechter Gewehr vnd Scherm fu^er alle ansprach, als des landes Recht ist in oesterreich. Daz diser Redt stet vnd vnzebrochen belib, Daru^eber geben wu^er disen brief versigelten mit vnsrn Insigeln, der geben ist, do von Christes geburth waren ergangen dreyzehen hundert Jahr, darnach in dem drey vnd dreyssigisten Jahr an Sanct Philipps vnd Sanct Jacobstag der zwelf potten.

Source Fulltext: OÖUB 6 (Wien 1972), S. 91f., Nr. 82