Wir Graf Berchtolt von Graispach von Marstetten, genant von Nyffen vnd Houptman in obern Bayrn Veriehen vnd tun kunt offenlichen an disen brief fûr vns vnd alle vnser Erben, die wir ietzund haben oder furbaz gewinnen, Daz wir mit dem Edeln manne Graf Hainrich von Sehownberg vnserm Bruder vmb alle Erblich gut, ez si an vesten, Luten, Do^erfern oder andern gulten, wie man die genennen mag, die vns von vnsern Swehern, Swigern vnd Husfrowen von Truhendingen zv gehorent vnd gemainlichen angeuallen sind oder noh an geuallen mu^egen, freuntlichen vnd lieplichen beriht vnd veraint sin also, daz wir die selben gût alliv gelich miteinander tailen vnd haben sullen furbazzer alle genieht (gemecht?) brief, teding vnd geding, die vns besunder oder vnserm Bruder von vnsern vorgenanten Swehern, Swigern oder wirtinne beschehen oder gegeben sind, gentzlichen abe sin vnd kein kraft niht mer enhaben. Wann och wir oder vnser Erben an den vorgenanten vnsern Bruder oder an sin Erben tail vordern, dez sullen si vns von dem tag, vnd wir iz geuordert haben in den nehsten dreyn Moneyden vnuerzogenlichen gehorsam sin an widerrede. Vnd dez ze einem vrchunde geben wjr disen Brief mit vnserm Insigel versigelten, Der geben ist ze Munichen an vnser frowen abent der ersten, Nah kristes geburt driwzehenhundert iar, dar nah in dem Niwn rnd dreizzigestim iar.

Source Fulltext: OÖUB 6 (Wien 1972), S. 305f., Nr. 301