Wir Berchdolt Graf ze Graisbach ze Marstetn genant von Neiffen vnd Houbtman in obern Beyern veriehen fu^er vns vnd fur alle vnser Erben, di wir ietzo haben oder noch gewinnen offenlich an disem brief, Daz wir dem Edeln manne Graf Hainrichen von Schowenberg vnserm lieben bruder oder seinen Erben Truhendingen di Vest mit allem dem, das darzu° geho^ert, als wir si pfandes wis inne haben, su^elln geben ze losen an furtzog, wann er vns oder vnser Erben der losung ermanet mit den sechshundert pfunden, die er vns geslagen hat ietzo vf di selben Veste, di wir im gelihen haben, da mit er Spilberg di veste sinen teil geloset hat vnd mit anderm gelt, daz wir vormals daruf gehabt haben, als di brief sagent, di wir darüber haben. Vnd darüber zu Vrchund Geben wir in disen brief versigeltn mit vnserm Insigel, daz wir daran gehangen haben, Der geben ist ze Munchen, do man zalt von Christes geburt Driuzehenhundert iar, darnach in dem Neunden vnd dreizzigistem Jar an Vnser frouen Abent als si enpfangen ward.

Source Fulltext: OÖUB 6 (Wien 1972), S. 312f., Nr. 308