Wier Albrecht von gotes gnaden Hertzog ze O^esterreich, ze Steyr vnd ze Kernden Tu^en chunt mit disem brief, Daz wier vnserm getrewen Pucharten dem Chneusser vnd seinen erben durch getrewen dienst willen, die derselb pu^erchart vns vnd vnsern brudern seligen getan hat vnd noch fu^erbaz getu^en mag vnd sol, verlihen haben vnd leihen ouch mit disem brief alle die lehen, di Wernhart selig von Sachsenek vnd Zachria sein hausurowe ouch vncz an iern to^ed von vns ze lehen gehabt habent vnd vns von in ledig warden sint Also, daz der vo^ergenant Purchart der Chneusser vnd sein erben di vorgeschriben lehen fu^erbaz innehaben vnd niezzen sullen mit alle dem, daz darczu^e geho^ert an alle ierrung, vnd sei wier des ier scherm fu^er allen gewalt vnd vnrecht, als lehens recht ist in vnserm Land ze O^esterreich . mit v^erhund ditz briefs. Geben ze Wienn an Montag vo^er sand Veits tag Nach Christes gepu^erd Dreutzehen Hundert jar, darnach in dem zway vnd viertzkistem jar.

Source Fulltext: OÖUB 6 (Wien 1972), S. 414, Nr. 410