Wier Albrecht von gots gnaden Hertzog ze O^esterreich, ze Steyr vnd ze Chernden Tu°n chunt mit disem prief, Das vnser getrewen Alber vnd Hadmar von Svnnberch gebru^eder alle iere lehen von vns enphangen habent, die von vns ier lehen sint, vnd wie sev geneinander mit denselben lehen wandlent, dez gunnen wier in wol vnd geben vnsern guten willen vnd gûnst darzu° vnuertzigen vnserer vnd vnserer lieben Vetter Hertzog Friderich vnd Hertzog Leupolt lehenschaft recht Also, ob der vo^ergenanten Svnnberger ayner abgieng an eriben, Daz denn dez selben tail auf den andern geualle vnd erbe, als die prief sagent, die sev darv^eber geneinander habent. mit vrchu^ende ditz priefs. Geben ze Wienn an Svnntag nach Sand Andres tag Anno domini Millesimo CCC°. Quadragesimo secundo.

Source Fulltext: OÖUB 6 (Wien 1972), S. 428, Nr. 424