Ich Alber von Winchel Chorherre cze Passawe vnd auch zu den zeiten Pharrer datz sand Aytten vnd ich Weichart von Winchel sein Pruder Wir veriehen vnd tun chunt allen den, die disen brief lesent oder ho^erent lesen, Die nu lebent vnd hernach chu^enftich sind, daz wir vns dez mit vnsern trewen verlupt vnd verpunden haben gegen den erbern Herren hern Reinprechten vnd hern fridreichen den Pru^edern von Walsse Hauptleuten ze Ens vnd gegen irn Erben Also, daz wir vnser Swester vrowen Elzbeten hern Albers witibe von Scho^ennberch, dem Got genadde, dar zu pringen suln, daz si in die hantfest mit sampt vns mit irm Insigil versigil, die wir in gegeben haben vber daz halbe Haus ze Ort in dem Traunse vnd vber allez daz, daz dar zu geho^eret, swie so daz genant ist, daz wir in ze Chauffen geben haben, Als die selbe Hantfest sagt, die wir in dar v^eber gegeben haben. Tu°n wir dez nicht, swelhen schaden si dez denne fu^erbaz nement, von swelherlay sachen daz sei, daz si bei irn trewen gesagen mu^egen, den selben schaden su^eln wir in mit gu^etem willen allen ablegen vud widerchern, Daz loben wir in an alles geuaˆr gaentzleich ze laisten mit vnsern trewen. Si su^eln auch den selben schaden haben auf vns vnd auf allem vnserm gu^et, daz wir haben in dem Lande ze O^esterreich oder swo wir iz haben, swie so daz genant ist, Wir sein lebentich oder tode. Vnd daz ditz gelu^eb vnd disev Sach also staet vnd vnzerbrochen beleibe, Dar vmb so geben wir in disen brief ze einem warn vrchund versigilt mit vnsern Insigiln. Diser brief ist geben nach Christes geburd dreutzehen Hundert iar, dar nach in dem vier vnd Viertzgiztem iar an sand Go^ergen Tag.

Source Fulltext: OÖUB 6 (Wien 1972), Nr. 471, S. 476f.