Wir Gotfrid von gocz gnaden Byscholf ze Pazzawe veriechen offenbar mit dem Brief, daz fu^er vns chomen ist Hans von Trawn vnd hat vns auf geben einen zechent. der gelegen ist zwischen dez champs vnd der Chrems, ez sey wein zechent oder Traid zechent, chlainer oder grozzer, den von in habent gehabt margret Dyetmars hausvrow in dem Lonsto^erhof ze Lincz vnd ier Bru^eder Hans Gundacher. den selben zehent hat er verchauft dem Edeln Ersamen Vlreichen von Chappellen vnd seinen Erben vnd hat auch her Vlreich von Chappell den vorgenanten zechent, wie der genant ist, chauft vnd vergvlten mit dem gu^et, daz iem sein hausvrowe vrowe Katrey hern Otten Tochter von Liechtenstain ze haimstevr vnd ze heirat gu^et pracht hat. den selben zechent hab wier in nach dez vorgenanten Hansen von Trawn pet vnd willen ze rechtem Lehen verliehen, allz in Hans von Trawn vor von vns hat gehabt, vnd sein auch dez ier her vnd ier gewer, alz Lechens recht ist. mit v^erchund diez Briefs, der geben ist ze Ebelsperch nach Christes gepu^erd drevczehenhundert jar, dar nach in dem vier vnd vierczigistem jar des nachsten eritags nach sand Mertteins tag.

Source Fulltext: OÖUB 6 (Wien 1972), S. 494f., Nr. 491