Ich Hainreich von O^ed vnd mein Hausfraw vnd alle vnser Erben wir veriehen vnd tun chund offenbar mit disem brief allen den, di in an sehent oder Ho^erent lesen, Daz wir vnsern genaedigen Herren Hern Reinprechten vnd Hern Fridreichen von Walsse recht vnd redleich ze chauffen haben geben vnsern tail an den guten in der Groewsen vnd in der Grueb vnd datz Roeut vnd in dem Pru^ele vnd datz den Stoedln vnd daz Holtz in dem Raeut, besu^echt und unbesu^echt mit allen den rehten vnd nu^eczen, di dar zu geho^erent ze holcz vnd ze veld, an gevaerd vmb virczehen pfunt wienner pfenning, der wir gancz vnd gar gewert sein, daz wir furbaz dhain ansprach dar auf nicht haben weder mit gaistleichem recht not (noch) mit weltleichem recht an gevaerd. Daz in daz staet vnd vnzebrochen von vns beleib, dar v^eber ze einem waren vrchund geben wir in disen prief versigelt mit meinem dez vorgenanten Hainreichs von O^ed anhangunden Jnsigel, Der Prief ist geben nach Christes gepurdt, do man zalt Drewzehen Hundert Jar, dar nach in dem Vier vnd Viertzigisten Jar an Sand cholmans tag.

Source Fulltext: OÖUB 6 (Wien 1972), S. 492f., Nr. 488