Wir Ludwig von Gots genaden römischer Kaiser, ze allen zeiten merer des Reichs entbieten vnserm Forstmaister über den Weilhart, der iez ist, oder hernach wirt, unsern lieben getreuen unser hulde und alles gut. Wir wellen und gebieten euch vesticlichen und ernstlichen, datz ir unser lieb dimütig den Abbt und daz Convent dez Gotzhaus ze Raitenhaslach lazzent füren und nemen alz vil wintvelliges und ligendes holzes aus dem obgenanten Weilhart, a!s sy in irm chloster bedürffent ze brennen, und wellen nicht, daz ir sy daran hindern noch irrent mit chainen Sachen, als lieb euch unser hulde sint. Der Brief ist geben ze Münichen des pfinztages nach Urbani in dem drew und dreisigisten jar unsers Richs, und in dem zwainzigisten unsers Kaisertums.

Source Fulltext: OÖUB 7 (Wien 1876), S. 22, Nr. 23