Ich Heinrich, Fpharren (sic) dacz dem Hoflein vergich offenbar an disem prief vnd tu^eine chunt, daz der paugart dacz dem Hoflein pei der mul, den ich gechauft han von meinen herren von Lobenstain hern Petern vnd hern Ulrichen seinem vetern vmb fier fphunt fphening mit allen nuczen zoehen iar vnd nicht lenger vnd schol in davon raichen jerlich fumf schilling fphenning wienne (sic) munzze an sand Jeorgen tag, also pu^erchrecht recht hat, wolt aber her vlrich, der vor genant ist, den paumgarten halben lesen vmb zwai fphunt fphenning in den vorgenanten zoehen jaren, so schol jaerleieh Iosung sein an vnser vrowen tag der Liechtmesse vor acht tag vnd nach acht tag. Darvber gib ich disen prief vnd verpint mich vnder meins hern jnsigel hern Heinrichs (zu) den zwiten fpharrer dacz Veldkyrchen. Der prief ist geben, do man zahlt von christus gepurd dreuzehen hunder iar, darnach in dem acht vnd virczistem jar an vnser Vrowen tag der Lietmesse.

Source Fulltext: OÖUB 7 (Wien 1876), S. 44f., Nr. 48