ICH Eberhart der Tanner vnd ich Eberl vnd Vlreich seins pru^eder chinder veriehen, daz wir vnsrer a^endlein hern Eberharcz mueter vran Elspettn all vnser gut dazz Po^esleinstorf ledichlichen haben aufgeben, dez zwelf phunt geltz sein Wienner phenning, daz si all irn fru^emen damit schol schaffen, als leipgedinges recht ist, vncz an iren tot. Daz di wandlung also sta^et vnd vnzeprochen bleib, geb ich vorgenanter Eberhart der Tanner disen prief versigelten mit meim anhangundem ingsigel zeim gezeug der warhait, wann di vorgenanten meins pru^eder chinder nicht aigen ingsigel habent. vnd mit des erbern herren hern Leutolds von Cho^enringn ingsigel, der des vorgenanten gu^ecz rechter lenherr ist vnd diser sach zeug mit seim anhangunden ingsigel. Der prief ist gebn nach Chricz (sic) gepurt drevzenhundert jar vnd darnach in dem acht vnd vierczigstem jare an der heiligen zehen tausent Ritter tag.

Source Fulltext: OÖUB 7 (Wien 1876), S. 59, Nr. 64