Wür Stephan von Gottes genaden pfalzgraf bej Rhein vnnd herzog in Bayrn etc. bekennen offentlich mit disem brief, das wir Dietmayr dem Losenstainer vnnserm diener vnnd seinen erben gelten sollen virzig pfundt Regenspurger pfening vmb ain ross, das er vnnss geben hat, vnd gehaissen ihme bej vnsern gnaden, das wir sy derselben pfundt richten sollen ohne geuärd auf St. Michaels tag, der schirist kombt. Thäten wir des nit, so haben sy gewaldt vnnss darumb zu pfenden vnd zu benötten Vnnd sollen sy vnnd alle, die ihn des helffendt, daran wider vnns nit gethan haben, Vrkundt diss brieffs, der geben ist zu München an freytag vor St. Vrbans tag Anno 1348.

Source Fulltext: OÖUB 7 (Wien 1876), S. 58, Nr. 62