Ich Jans von Chapelle Vnd ich Eberhart von Walsse ze den zeiden haupman ze Tro^esendo^erf vnd ich Alhait sin hausfrowe vnd min su^en paide von Chappelle Vlrich vnd Eberhart Vnd darzv^e vnser aller paider erben, wier vergehen vnd tu^en chunt allen, di nu||
sind vnd hernach chu^emffetiche werdent, di disen prief sehent vnd lesent o^eder ho^erent lesen, daz wier mit wolbetachedem mu^et vnd auch jn rechlich durch Got dev chappelle datz Veltze datz Sand Margreden mit allen nu^etzen dem gotzehaus hinz Pullegarn geaygent vnd gegeben haben mit so auz genomer rede, Daz di selben herren von Pullegarn di ê genanden chappelle datz Veltze von ierm o^erden selben ewychlich pesitzen schuellen mit aeim priester, vnd was der selbe herre ze dem jar v^eber sin phruende versparin mag, Daz schol er sim gotzehaus hinz Pullegarn raychen. Vnd habe auch wier vnd vnser erben daz petacht, daz vnser liebev mu^eme dev jv^engechevrowe vrowe Agnes von Valchenwerch, der Got genade, die vorgenanden chappelle datz Veltze auch mit geseheft verhaizzen||
het hinz dem vrowen chlo^ester ier styft hinz Pullegarn, Vnd auch ze den zeiden maysterinne da was. Daz di rede sta^et vnd vnuerchert von vns peleibe vnd von vnsern erben, als voruerschriben ist, dar v^eber geben wier den vorgenanden ich Jans von Chappelle vnd ich Eberhart von Walsse vnd ich Vlriche von Chappelle vnd ich Eberhart von Chappelle disen prief zv^e aeim warn v^erchu^ende versigelden mit vnsern allen vierer anhangu^enden jnsigel. Der prief ist geben, do man zalt von vnsers herren Christus gepu^erde tausent jar drev hu^endert jar, dar nach in dem nêwên vnd vyerzegisten jar an vnser vrowen tag, als si gepo^ern wart.

Source Fulltext: OÖUB 7 (Wien 1876), S. 131f., Nr. 133