Wier Albrecht von Gates gnaden herczog ze O^esterreich, ze Steyr vnd ze Kernden tu^en chunt mit disern prief, daz fu^er vns cham Vlreich der Tannar vnd tet vns ze wizzen, wie er v^enserm getrewen lieben Walchuen von Hader vnd seinen erben ze chauffen geben hiet das haws ze Piberstain in Bechsenberga^er gericht mit alle dem, das darczu^e geho^ert, das von vns ze lehen ist, vnd pat v^ens, das wier das von jm auf nemen vnd das dem vorgenanten Waltchuen von Hader vnd seinen erben verliehen. Das haben wier durch seiner pet willen von jm auf genomen vnd haben dasselb haws mit aller seiner zu^egeho^erung dem vorgenanten Waltchuen von Hader vnd seinen erben verlichen nach der prief sag, di si darumb gegen einander geben habent, vnd des geben wier ze v^erchund disen prief besigelten mit vnserm anhangundem jnsigel. Der geben ist ze Wienn an sand Michels tag nach Christes gepurd drewczehen hundert jar, darnach in dem fumfczigistem jar.

Source Fulltext: OÖUB 7 (Wien 1876), S. 200f., Nr. 200