Ich Ott von Meychsawe vnd mein erben vergehen vnd tu^en chunt allen den, di disen brief lesent oder ho^erent lesen, daz wir meinen pru^eder kern Stephan von Meichsawe oberister marschalich in O^esterrich vnd hern Jansen von Prv^enne zu^e sampt vns vnuerschaidenlichen versatzzet haben dez ersten hintz hern Albern von Svnnberch vnd hintz seinen erben fu^er drew^e hv^endert phu^ent wienner phenninge, dar vmb wir si ledigen vnd lo^esen su^eln an allen iren schaden vmb zwei hv^endertt phu^ent wienner phening zv^e den weihennachten, die nv schirst cho^ement vnd vmb hundert phu^ent an dem vaschanchstage, der schirst chu^empt, vnd hintz hern Chv^enrat von Arberche vnd hintz seiner haw^esurowen vrowen Chv^engunden vnd hintz iren erben fu^er zwai hv^endert phv^ent wienner phening, dar vmb wir si auch ledigen vnd lo^esen s/eln an dem vaschanche tage, der schirist chv^empt, vnd hintz hern Hainrichen von Pottendorf vnd hintz seiner haw^esurowen vron Agnesen vnd hintz iren erben fu^er vier hvndertt phu^ent wienner phening, dar vmb wir si auch ledigen vnd lo^esen su^eln an vnser Vrowen tage der liechtmesse, der schirist chu^empt. Tu^en wir dez niht, swelhen schaden si denne der vorgenanten phening vnd der pv^ergelschaft fu^erbaz nach einem ieglichem tag, vnd vorbenant ist, nement an christen oder an juden, daz si bey iren trewen gesagen mv^egen, den selben schaden mit sampt dem hauptgu^et suln wir in an allen chriege allen ab legen vnd wider cheren, daz loben wir in an allez geva^er ze laisten mit vnsern trewen. Si suln au^ech hau^eptgu^et vnd schaden haben au^ef vns vnd au^ef allem vnserm gu^et, daz wir haben in dem lant ze O^esterrich, wir sein lebentich oder tode. Vnd dar u^ober so gibe ich Ott von Meichsawe fu^er mich vnd fu^er mein erben indisen brif ze einem waren vrchu^ende diser sache versigilten mit meinem insigil vnd mit meins pruder insigil hern Wernhartz von Meichsawe, der diser sache gezeuge ist mit seinem insigil. Diser brief ist geben ze Wienne nach Christes gepu^ertt dreu^etzehen hu^endert iar, dar nach in dem fu^emftzigisten jar an sant Cholmans tage.

Source Fulltext: OÖUB 7 (Wien 1876), S. 205f., Nr. 205