Wir Albrecht von Gots gnaden hertzog ze Osterreich, ze Steyr vnd ze Kernden tu^enn kunt, daz di erber Gedraut, Offens tochter von Arberg fv^er vns chomen ist vnd hat vnserm getrewn Hansen von Winden, irm elichen wiert mit vnser hant gunst vnd gutem willen fu^er sein haimstewer ledichleich gemacht daz drittail, so si hat an der vest ze Pûten vnd swaz darzu^e geho^ert daz von vns lehen ist als der brif sait, den si im daruber geben hat also, daz er dasselb drittail an derselben vest ze Puten vnd swaz darzu^e geho^ert haben sol, als gemêchts recht ist im vnserm lande ze Osterreich. Mit vrchund ditz brifs, geben ze Wienn an sunntag nach dem phingestag nach Christes geburd dreutzehen hundert iar, darnach in dem vir vnd fumftzigistem iar. ||
Leupoldus Siedendorffer.

Source Fulltext: OÖUB 7 (Wien 1876), S. 364, Nr. 354