Wier Peter Jost Vlreich Johans prueder von Rosenberg bechennen offenlich mit dem prieff, das wier den sazz den der edel ersam Raymprecht von Waltse zwischen vns meinem (an einem) tail, vnd der edeln erwirdigen herrn Gotfrid bischof von Pazzow in dem andern tail gemacht hat, vncz auf di pfingsten, di schirst choment stet wellen haben in all der mazz, als wir vormaln saczz stet gehabt haben, di zwischen vnser gemacht sind, vnd in all der mazz als vnser spruchbriff sagent di wier gen einander haben. Mit vrchund diczs briefs, der geben ist ze Chrumpnawe an suntag oculi in der vasten nach Christes geburd dreuczehen hvndert iar darnach in dem acht vnd fumfczgisten jar.

Source Fulltext: OÖUB 7 (Wien 1876), S. 561, Nr. 549