Wir Ru^edolf von Gottes gnaden hertzog ze O^esterreich ze Steyr vnd ze Kernden tu^on chunt, daz fûr v/^ns chomen vnser getrew/^n lieben die purger von Perg vnd baten vns vleizzechlich, daz wir in ire recht die se heten gnedeklich geru^ochten [ze) besta^eten, als ir hantvest seit die in vnser lieber herre vnd vatter hertzog Albrecht vnd vnser lieber vetter hertzog Ott von O^esterreich den bayden Got gnade geben habent vnd die sich anhebt mit disen worten: ||
Nun folgt die Urk. dd. Linz am 29. April 1335. U.-B. Bd. VI, S. 164.||
Vnd wan wir dem vorgenantem vnserm herren vnd vatter seligen hertzog Albrechten von||
O^esterreich gern nachuolgen, haben wir die vorgenanten vnser purger von Perg gnedeklich erhoret vnd haben in best/^et vnd bestêten in ouch mit disem brief alle ire recht als si von wort ze worte da oben an disem brief geschriben stent, vnd wellen daz in daran niemant chain irrung tue in dehainen wege. Wer es aber dawider ta^et, das wer gentzleich wider vns. Vnd des ze vrku^end geben wir den obgenanten vnsern purgern von Perg disen brief mit vnserm anhangundem jnsigel, der geben ist ze Wienn an sant Lamprechts tag nach Christes gepu^erd drevzehen hundert vnd funfzig jarn vnd darnach in dem achtoden jare.||
Dominus dux per consilium.

Source Fulltext: OÖUB 7 (Wien 1876), S. 594f., Nr. 582