Wir Ru^odolf von Gotz gnaden hertzog ze O^eesterreich ze Steyr vnd ze Kernden tu^on chunt vmb die gnad, die vnser lieber herre vnd vater sa^elig hertzog Albrecht vnsern getrewen den purgern von Ens getan hat, also daz si pey den rechten vnd cheuffen beleiben sullen, die si vnd ir statt von alter gewonhait habent herprachtt als der prief wol beweiset den in der genant vnser herre vnd vatter hertzog Albrecht dem Got gnad darvber geben hat, daz wir den egenanten purgern von Ens dieselben gnad besta^etet haben vnd besta^eten ouch mit disem prief. Vnd darvmb gebieten wir ernstlich vnsern getrewen lieben allen lantherren vnd lantrichtern allen stetten vnd merchten den diser prief getzaigt wirt, daz si die egenanten vnser purger von Ens pey der vorgeschriben gnade beleiben lazzen vnd dawider nicht chomen in dhainen weg. Mit vrchund dicz priefs geben ze Wienn an mentag vor sant Nychlaus tag nach gocz gepurt tausent dreuhundert vnd feunfczig jaren darnach in dem achtoden jare. Eberhardus Janitor.

Source Fulltext: OÖUB 7 (Wien 1876), S. 607, Nr. 597