Wier Rudolf von Gotes gnaden hertzog ze Osterreich ze Steyr vnd ze Kernden tun kund, daz wier vnsern getrew^en liben Dietmarn Hertneiden vnd Dietlaiben brudern von Losenstain die genad getan haben vnd tu^en ouch, swaz, si gut habent, ez sein veste gericht manschaft vischwaid oder wie das genant ist die ier lehen von vns sind vnd di si mit einander tailent, daz si derselben tailung an der lehenschaft von vns vnengolten sullen beliben, Vnd welicher vnder in an leiberben abgieng, daz dez selben gut die er von vns ze lehen gehabt hat, an die andern sein bru^eder vnd ier erben geuallen sullen, inne ze haben vnd ze niezzen alz lehens vnd landes recht ist, mit vrkund ditz brifes geben ze Wienn an samztag vor sand Scolastice tag nach Kristes gepu^erde dreutzehen hundert iar darnach in dem new^en vnd fumftzigistem iar.||
Dominus dux.

Source Fulltext: OÖUB 7 (Wien 1876), S. 615f., Nr. 607