Wir Go^etfrid von Gots gnaden bischof ze Pazzawe bechennen offenlich mit dem brif, daz wir den edeln ersamen Dietmarn Ha^ertneiden vnd Dietlaiben brudern von Losenstain die genad getan haben vnd tu^en auch swaz si gu^eter habent ez sein vestt gerichtt manschaft, vischwaid oder wie daz genant ist, die si ze lehen von vns vnd vnserm gotshaus ze Pazzaw habent vnd die si mit einander tailent, daz si der selben tailung an der lehenschatt von vns vnengolten su^ellen sein vnd beleiben, vnd weliher v^ender in an leiberben abgieng, daz dezselben gu^eter die er von vns vnd vnserm gotshaus ze lehen gehabt hat an die andern sein bru^eder vnd ir eriben geuallen su^ellen inne ze haben vnd ze nu^etzzen alz lehens vnd lands recht ist. Mit vrch^eund dez brifs. Der geben ist ze Pazzawe an samcztag nach sand Nicolai tag nach Christs gebuêrd dreuczehen hundert jar darnach in dem nêwn vnd fumfczkistem iar.

Source Fulltext: OÖUB 7 (Wien 1876), S. 668f., Nr. 658