ICH Seyfrid der Zwikchel vnd ich Fridreich der Zwikchel sein pruder vnd vnser hausurown vnd mit vns all vnser erben wi dev benant sind vergehen, daz wier ze chauffen haben geben recht vnd redleich vnserm liben genedigen herren hern Djetrichen von dem Losenstain vnd seinen erben vnserev guet gehaizzen in der Taenn, der ains gehaizzen ist an der O^ed vnd ains genant an dem Prant vnd ains genant dev Chrenmül, dev vnser aygen gewesen sind vnd gelegen sind in Tuedicherpfarre vnd haben in dev obgenanten gut ingeantwurt. Daz in daz stet vnd vnuerchert beleib, darüber geben wier ich Seyfrid der Zwikchel vnd ich Fridreych der Zwikchel den gegenwu^ertigen brief fu^er vns vnd fu^er vnser hausurowen vnd fu^er alle vnser erben versigelt mit vnsern anhangunden jnsigeln, vnd ist geschechen do man zalt drewczehen hundert jar darnach in dem sechczkisten jar dez nachsten erytag nach aller mann vaschang tag.

Source Fulltext: OÖUB 7 (Wien 1876), S. 686, Nr. 677