Ich Jacob der Chu^endler purger ze Steyr und all mein erben vergehen . . daz wir . . ze kaufen haben geben Weinmarn dem Teurbanger auch purger ze Steyr und seiner hausfrawn vrown Chunigunden unser hueb di Chochhueb genant ze Waytaern in dem dorf gelegen in Syrnicher pharr und di lehen ist von dem wirdigen gotzhaus von Chremsmu^enster .... Daz in di wandlung staet und unverchert behalten wirt gib ich obgenanter Jacob der Chundler .... den offen brief versigelt mit meinem aygen anhangunden insigel, und ze ainer guten gezeuchnu^esse mit meinz genaedigen herren hern Ernsten ze den zeiten abt datz Chremsmu^enster anhangundem insigel, der der obgenanten hueb tze den zeiten recht lehenherr ist gewesen und mit des hant di wandlung und der chauf geschehen ist, und mit des erbern mans Chu^enratz des Mu^echler anhangunden insigel in an schaden. Daz ist geschehen noch Christi gepu^erd dreutzehen hundert jar und in dem sechtzkistem jar des mitichen in den veyrtagen ze ostern.

Source Fulltext: OÖUB 7 (Wien 1876), S. 692, Nr. 685